Ds George Hugo – Tydens Covid-19

Gemeentenuus / 21 July 2021 / covid-19

NGK Waterkloofrif – Ons is nog steeds “OK!”

Liewe lidmaat ek hoop dit gaan nog goed by jou.

Ons beleef tans ongewone tye. Nie net het ons te doen met die impak van Covid-19 nie, maar woorde soos “riots, protests, looting” klink nou soos geweerskote op whatsapp-tekste, video’s en ander gesprekke. Familie, werkskollegas en vriende regoor die land, maar ook vanuit die buiteland wil almal weet: “Is julle “OK?”

In die lig hiervan wil ek jou uitnooi om Psalms 22 te lees en te oordink in dié tyd.
Daar is 4 aspekte wat my oog vang in ‘n tyd soos hierdie.

Klagte oor die nood v1-11.
Gebed om hulp v12-22.
Lof aan God vir gebedsverhoring v23-27.
Getuienis vir die wêreld en ons nageslag v28-32.

Ons word dus opgeroep tot gelowige gebed en lofprysing in ‘n tyd soos hierdie en nié vrees en paniek nie!

Aangeheg is 2 videogrepe vir refleksie.
Bly gesond, wees veilig en vertrou op jou Hemelse Vader se teenwoordigheid en krag, om in ‘n tyd soos hierdie, steeds “OK” te wees.

Groetnis, Ds. George Hugo

https://fb.watch/v/27tJjr5bj/

https://fb.watch/v/4A0zNG6MH/

Ds George Hugo – Tydens Covid-19 Read More »

Kom ons bid

NGK Waterkloofrif gemeente bid saam:

Vir almal wat sukkel met seer en verlange, om watter rede ook al.
Ons predikant, kantoor en terreinpersoneel, kerkraadslede en gemeentelede
Vir elkeen die winter veral met die dreigende gevaar van Covid. Ons bid dat mense God se teenwoordigheid in hierdie tyd sal beleef.
Vir lidmate wat onder mediese behandeling is, operasie ondergaan het, en wat besig is om te herstel
Vir lidmate wat vir operasies of mediese ondersoeke moet gaan.
Vir die onderwys- en mediese personeel wat tans baie blootgestel is.
Vir die emosionele welstand van ons gemeenskap, veral die kinders en senior lidmate.